अर्जेन्टिना र ब्राजिल गोलरहित बराबरीमा

  • प्रकाशित मिति : November 17, 2021
  • धनसञ्चार

काठमाडौँ – फिफा विश्वकप छनोट अन्तर्गत दक्षिण अमेरिकी छनोटमा अर्जेन्टिना र ब्राजिलले बराबरी खेल्दै अंक बाडेका छन् ।

अर्जेन्टिनाको घरेलु मैदानमा आज बुधबार बिहान भएको खेलमा अर्जेन्टिना र ब्राजिलले गोलरहित बराबरी खेलेका हुन्।

यस बराबरीसँगै ब्राजिलले १३ खेलमा ३५ अंक जोडेको छ । शीर्ष स्थानको ब्राजिल यस अघि नै कतार विश्वकपमा छनोट भईसकेको छ ।

अर्जेन्टिना १३ खेलमा २९ अंक जोडेर समूहको दोस्रो स्थानमा रहेको छ । अर्जेन्टिनाको विश्वकपमा छनोट हुने सम्भावना बलियो रहेको छ ।